相信有參加過職青的團友都習慣了聚會遲開始的了，但…….今次居然 13:15 已開始聚會，簡直是奇蹟~~~~~

由於是次負責人劉倩瑜執事未能出席主持大局，只好由團長出馬，把原先打算由真人演出的2個個案（倩瑜執事提供），以口述方式表達。

二月團契
家事問題好戲派

場景一 生日驚喜

地點 ﹣家中
人物 ﹣媽媽、女兒 加 爸爸

媽：快d換衫啦！爹哋好快返到。
女：知喇！咁使唔使帶相機呀？果度好多野影喎！
（門鐘響，媽開門，爸爸站門外）
媽：你咁快返到嚟！真係好，仲以為今日星期六，好多人過關要排好耐隊。
女：爹地，快d換衫喇！我同你攞個公事包入房吖。
爸：換衫去邊？
女：去乾地公園睇烏龜，今日係你生日，我地去果度慶祝生日，
係咪好surprise呢？
媽：生日果個免入場費㗎！
爸：要去天水圍咁遠，我啱啱先響深圳返嚟九龍城咋喎！好攰呀！我都無話鍾意睇龜⋯（下刪五百字牢騷）

場景二 餐餐有飯開

地點 ﹣茶樓
人物 ﹣奶奶、兒子和孫女

奶：點解得你哋兩仔爺嘅？老婆妮？
兒：今日要加班唔嚟得。
奶：份咩工嚟呀，成日都話要加班！就算賺錢都唔係成日走咗去⋯你睇搞到個女瘦到隻鬼咁！
兒：工人日日有煮飯，係佢唔臭米氣，淨係食薯片。
孫：我有食飯呀爹地！但係d餸咁難食點樣食得多喎！你咁遲返屋企就硬係唔知啦！
奶：下！工人煮飯好難食？！咁唔得喎！不如叫你阿媽辭咗份工，或者搵份唔使加班既工。
兒：我一個人撐起頭家好大壓力，阿媽你明唔明即！
奶：咁不如我嚟你度住，咁咪解決囉！
孫：屋企得三間房，你嚟咗工人瞓邊度？
奶：咪同你瞓囉！鬼叫你要食飯。
孫：要同人地一齊瞓，我唔制！！我寧願唔食飯。

由於題材既現實亦敏感，有團友被勾起了心事，即時有團友開始分享生活點滴，氣氛是好，但由於出席人數比平日少，當然會差番少少，最突出的人物都未能出現聚會當中，否則……哈哈!（總之大家小心好好保重身子）

3月職青主題預告— 錢錢錢（究竟? 當家人因錢反目、因財失義，點算）